AutoLadder Studioبدوس تشغيل والموتور مش بيبدأ
زرار التشغيل مش بيعمل حاجة. قبل ما تشك في البرنامج، راجع إشارات الأمان: لأنها متوصلة NC، أي سلك مقطوع بيمنع التشغيل — وده صح.
أشهر الأسباب بالترتيب
سلك الستوب أو الطوارئ مقطوع
إزاي تتأكد: الستوب والطوارئ متوصلين NC: لمبة مدخلهم على الـ PLC لازم تكون منورة والماكينة واقفة عادي.
الحل: لو اللمبة مطفية: الزرار مضغوط أو ماسك، أو السلك مقطوع. صلّحه — متعكسش المنطق في البرنامج.
الأوفرلود واقع
إزاي تتأكد: شوف لمبة مدخل الأوفرلود، وزرار الـ Reset اللي على الأوفرلود نفسه.
الحل: اعمل Reset للأوفرلود، وافهم سبب وقوعه قبل ما تشغّل تاني.
زرار التشغيل مش واصل للـ PLC
إزاي تتأكد: دوس التشغيل وبص على لمبة مدخله: لو ما نورتش المشكلة في الزرار أو السلك أو الكومن.
الحل: راجع الكومن بتاع المداخل (24 فولت / 0 فولت) وتوصيلة الزرار NO.
المخرج بيطلع والكونتاكتور مش بيشد
إزاي تتأكد: لو لمبة المخرج نورت والكونتاكتور ما شدّش: المشكلة بعد الـ PLC.
الحل: راجع كومن المخارج والفيوز وجهد ملف الكونتاكتور.
تدوّر فين في البرنامج
في رنج الموتور: كونتاكتات الستوب والطوارئ والأوفرلود لازم تكون NO في البرنامج (لأنها متوصلة NC في الأسلاك).
الستوب والطوارئ والأوفرلود بيتوصّلوا NC (Fail-Safe): لو السلك اتقطع الماكينة تقف — متعكسش المنطق عشان تشغّلها.
الدائرة الصح جاهزة
شوف البرنامج السليم ومخطط اللادر وجرّبه على المحاكي: تشغيل وإيقاف موتور
عندك برنامج الماكينة؟
ارفع ملف البرنامج (CX-Programmer أو GX Works أو TIA Portal)، واكتب العطل زي ما بيحصل. AutoLadder يدوّر في الكود ويقولك السبب المحتمل، وأنهي رنج، وإزاي تتأكد — وتقدر تصلّحه في البرنامج بضغطة وتشوف اللي اتعدّل وليه.
ارفع برنامجك واكشف العطل